Aloha nui kākou,
ʻO wau ʻo Puanani Peʻa. No Panaʻewa, Hilo mai au. Ua hoʻomaka koʻu huakaʻi ʻana ma ia ala hoʻonaʻauao hoʻōla ʻōlelo Hawaiʻi iaʻu ma ka papa mālaaʻo ma ke kula kaiapuni ʻo Keaukaha ma ka makahiki 1990. He pukana haʻaheo nō au o ke kula ʻo Nāwahīokalaniʻōpuʻu i ka makahiki 2003. He pōmaikaʻi ke kula ʻia ma ia mau honua aʻo ʻōlelo a ʻike kuʻuna Hawaiʻi. A he pōmaikaʻi pū ka hiki ke hoʻi mai i kaʻu kula ma ke ʻano he kumu a hoʻonaʻauao i nā hanauna hou ma kā kākou ʻōlelo makuahine. Ua hoʻomaka koʻu aʻo ʻana ma Nāwahī ma ka makahiki 2013. Aʻo wau i ka pae papa 2. He mākua pū au o nei papahana hoʻōla ʻōlelo Hawaiʻi. Aia kaʻu mau keiki ʻelua ma ke kula ʻo Nāwahīokalaniʻōpuʻu. ʻO ke kūkulu pilina ma waena o ke kumu, ka haumāna, ka ʻohana a me kula ke kahua o koʻu lumipapa i mea e holo kūpono ai kēia makahiki kula leʻaleʻa a māhuahua. Mahalo!
Aloha kākou! My name is Puanani Peʻa and I am from Panaʻewa Hilo. My journey within the Hawaiian language educational movement began in kindergarten at Keaukaha Hawaiian language immersion school in the year 1990. I am a proud graduate of ke kula ʻo Nāwahīokalaniʻōpuʻu in the year 2003. I am blessed and grateful to be fostered within the Hawaiian medium education. It is also a blessing to return to my school as a teacher and to teach the next generation through our native language. I started teaching at Nāwahī in the year 2013 and am currently teaching 2nd grade. I am also a parent of children within the Hawaiian medium education, at Ke Kula ʻO Nāwahīokalaniʻōpuʻu. Building relationships between my students, families and school are the foundation of my classroom to ensure a productive, fun and successful school year.
naʻu me ke aloha,
na Kumu Puanani Peʻa
Kumu Papa ʻElua