Nā Mele Kula

School Songs

Nihi Ka Hele

Na Larry Kimura

Nihi ka hele i ka uka o Puna

I ka lāʻau a ka ʻōʻū ʻoʻolomaʻo

I ka wao o ke āiwa ʻo Maliʻo

I ʻalawa ʻole ʻia a kū pōhaku ē

ʻAʻole hewa o ka ʻike lihi mai

He maʻū i kā ke kupua o ka wao ē

Eia Puna

Na Larry Kimura

Eia Puna lā i ka lae ʻo Kumukahi

He lae ʻaukahi i ka ulu o ka lā

Ulu ka hikina, ulu ke alaula kaulanaakāne

I laila ka ʻoaka lei maliʻo o ka lipo

I ke aka hiʻi i ke ʻalohi mālamalama

Hui ʻanapa mai nā lau o ka wao

Ua laʻi ka nahele ua noa e ke ala 

E kipa mai ē, ʻae

No Aneʻi

No aneʻi ko kākou ola

No aneʻi ko kākou pono, ʻeā

E nā kupuna

ʻAʻohe mea nāna e hoʻōni

ʻAʻohe mea nāna e kūlaʻi, ʻeā

E nā makua

E nā hoa ʻōpio, ʻeā

Alu ka pule i hakalau lā, ʻeā (e ke hoa ē)

E nā hoa o ka ʻāina,

Mai huli kua mai iā mākou lā, ʻeā

E nā Hawaiʻi, e nā Hawaiʻi

E lēkia ē, ʻoni a paʻa

E Nāwahī ē, ʻoni a paʻa (2x)

Ua Mau

Ua mau mai e ka pono

Mai ka Makua lani mai

Ke hui nei kākou

I kona lokomaikaʻi

Hosana ʻia ke Akua

Ma nā lani kiʻekiʻe

Ka waiho ʻana mai

I ko kākou ola

Ke hui nei kākou

Makua me keiki

Lōkahi pū ka manaʻo

I hoʻokahi puʻuwai

Nāna e alakaʻi aʻe

Iā kākou a pau

Ma ke ao mālamalama

O ka lanakila mau

Kulāiwi

na Larry Kimura

Mai ka piʻina a ka lā i Haʻehaʻe

A i ka mole ʻolu o Lehua

Eia au kou kama ē

He mamo aloha na Hāloa

ʻO Hawaiʻi, kuʻu kulāiwi

Mai nā kūpuna mai

ʻAʻohe mea, nāna e kūʻai

I ke ʻewe o kuʻu mau iwi

E ola au, i kuʻu lāhui

Ke kuleana, o ka ʻōiwi

ʻO ka ʻī, ma kāna ʻōlelo

He Hawaiʻi au mau a mau,

(e ala mai)

He Hawaiʻi au mau a mau

Hoe A Mau

Hoe ikaika sela, hoe a mau

Ma ʻō he awa nani lulu a mau

He hola ʻino sela, ʻane naʻe pau

ʻEʻe aʻe ma ka waʻa paʻa sela, hoe a mau

Hoe a mau sela, hoe a mau

Piʻi nō nā nalu ē, e hoe naʻe a mau

ʻEʻe ma ka waʻa paʻa sela, ʻo ia hoʻi Iesū