ʻAuhea ʻoukou e nā hoa makamaka aloha ʻōlelo. I ka hopena pule nei, ua hōʻea nui nā mamo aloha ʻōlelo o Ka Papahana ʻo Mā'ilikūkahi i ka hanana ʻo Ola Ka ʻĪ ma ʻEwa.  Ua komo akula nā haumāna mai ka papa mālaaʻo a i ka papa ʻewalu ma ka hoʻokūkū haʻiʻōlelo hoʻopaʻanaʻau.  

 

Na ka pae papa M-2 i hoʻopaʻanaʻau i ka haʻiʻōlelo ʻo "Na Wai Hoʻi" na Liholiho Kamehameha II.  Mai ia pae, ua eo ke kūlana 3 iā Kaʻūhiniamaka Kalahiki (papa 1), ke kūlana 2 iā Kahakuhuliau Rosa (papa 1), a me ke kūlana 1 iā Kōlanikiaʻi Kalilimoku-Patricio (papa 2).  Hulō!  Hulō!

 

Ma ka pae papa 3-5, ua hoʻopaʻanaʻau nā haumāna i ka haʻiʻōlelo ʻo "Ke Kānāwai Māmalahoe" na Kamehameha Paiʻea.  Ua eo ke kūlana 3 iā Poliʻahu Maunakea-Fernandez (papa 5) a me ke kūlana 2 iā Kiaʻi Ana (papa 3).  Hoʻomaikaʻi iā ʻolua!

 

Mahalo NUI i nā haumāna a pau i ʻaʻa i ka hula a waiho i ka hilahila.  Ua hele aku me ka manaʻo paʻa! Ua paio aku me ka manaʻo koa! Ua lanakila me ka manaʻo pono! Ua mākaukau me ka manaʻo wiwo ʻole!

 

Na mākou me ka haʻaheo,

na Kumu ʻo Māʻilikūkahi