Aloha makahiki kula hou,
Ma ka hoʻomaka ʻana o ka makahiki kula, ua hoʻomanaʻo ʻia i waena o nā haumāna me nā limahana ka mea nui o ka hoʻi ʻana mai me ka mākaukau no ka ʻimi hou i ka naʻauao. ʻOiai ua hala hoʻokahi makahiki, ua ulu aʻe kēlā me kēia a ke hoʻi mai i Nāwahī nei, ʻaʻole ana hoʻi ka like o ka hana me ko ka makahiki nei. E ʻimi kākou i ka lohe ʻokoʻa i ka mea i manaʻo ʻia he mau mea maʻamau. He aha hoʻi nā hiʻohiʻona hou o kā kākou e lohe nei? E ʻimi kākou i ka nānā ʻokoʻa i ka mea i manaʻo ʻia he mau mea maʻamau. He aha nō hoʻi nā hiʻohiʻona hou a kākou i ʻike mua ʻole ai ma ka nānā ʻana? Pēlā e mau ai ka ulu me ka holomua o kā kākou hana koʻikoʻi ma Nāwahī nei. Pēlā pū e ulu ai ke kuanaʻike ao Hawaiʻi o kākou. E kia ma luna o ka nuʻukia, ʻo “No ʻaneʻi ko kākou ola” a e hoʻomanaʻo kākou ʻo ka ʻōlelo ka ʻīkoi o kā kākou mau hana a pau.
He wā kūpono kēia e hoʻomanaʻo ai i ia ʻōlelo kaulana o luna aʻe nei na Nāwahī i ʻōkomo i loko o kāna mau haumāna. “Mai loko mai o nā mea liʻiliʻi loa, ua loaʻa nō ka ʻike a me ka naʻauao maoli.” E hahai kākou i ia mau ʻōlelo aʻoaʻo na Nāwahī, a e ʻimi loa a ʻike i ka ʻāina ʻo Nōlaʻelaʻe.
-na Poʻokumu Kauanoe Kamanā
At the start of the school year, the students, faculty and staff paused to think about the importance of once again being ready to learn and to seek out new knowledge. A year has passed and we begin anew, now having grown through our experiences since the end of the school year. Let us strive to listen and hear differently those things that we considered routine and uninteresting. What are we not hearing when we listen? Let us strive to look and see differently those things that we thought were routine and well understood. the What are details that we are not seeing when we look at something or someone? These are important abilities that contribute to our individual and collective growth at Nāwahī. This is how our Hawaiian worldview is strengthened. Our vision and mission, “No ʻaneʻi ko kākou ola” guides us and our language remains at the core of all that we do.
This is the opportune time to remember that memorable saying that Nāwahī diligently instilled in his students. “From a single drop of water and a tiny grain of sand are formed the deepest oceans and lands reaching high into the sky.
Let’s reach for the heights!