Ke Kula 'O Nāwahīokalani'ōpuʻu Iki

Skip to main content
Mobile Menu

Manaʻo Poʻo (Administrationʻs Message)

E ko Nāwahī a pau,
Aloha pumehana kākou,
 
He kula kaiaʻōlelo Hawaiʻi ʻo Nāwahīokalaniʻōpuʻu. He kula ia e mālama ʻia ai ka ʻōlelo Hawaiʻi, ʻo ia ka ʻōlelo mana o ke kula. Aia ma ka ʻōlelo ke kuanaʻike ao Hawaiʻi a ke ʻimi ikaika nā kumu, nā alakaʻi, nā limahana, nā haumāna a me nā ʻohana a pau i ka ʻōlelo Hawaiʻi mau e uku pū ana ke kuanaʻike ao Hawaiʻi i waena o kākou.  Aia i loko o ia kuanaʻike ao Hawaiʻi ke aʻo ʻana i ka ʻōlelo a me ke kuanaʻike ao o nā lāhui ʻē kekahi.  Ke paʻa ka ʻōlelo a me nā ʻaoʻao nui o ke Kumu Honua Mauli Ola, kā kākou kālaimanaʻo kula, e ulu pū ana ka mākaukau ma ke kālailai a me ka hoʻoholo manaʻo ana ma ke ʻano he Hawaiʻi.  ʻO ia ke ola o ka mauli Hawaiʻi, ko kākou kuanaʻike ao ākea.
 
No ʻAneʻi Ko Kākou Ola.
 
Kumu Kamanā