Aloha pumehana kākou.  ʻO Pelehonuamea Nāpuaʻalaonuʻuanu Gin Suganuma Harman koʻu inoa. Me ke ohohia a me ka haʻahaʻa wau i aʻo ai ma Ke Kula ʻo Nāwahīokalaniʻōpuʻu no nā makahiki he ʻumikumamāhiku i hala iho nei ma nā ʻano kūlana aʻo likeʻole. E like me ka ʻōlelo kahiko: "Na wai hoʻi ka ʻole o ke akamai, he alanui i maʻa i ka hele ʻia e oʻu mau mākua," hāhai au i nā mākua a me nā kūpuna o kākou ma ka ʻimi naʻauao. Noʻu ke kuleana ʻo ka hoʻoili ʻana i ia ʻike makamae ma luna o ka hanauna hou i ō mau kā kākou ʻōlelo kamahaʻo, ke kuanaʻike a me ka mauli ola Hawaiʻi.

My name is Pelehonuamea Harman and I have had the honor of teaching at Ke Kula ʻo Nāwahīokalaniʻōpuʻu in various capacities for the last 17 years. I take to heart Kauikeaouli’s quote: “Who would not be wise when it is a road often traveled by my parents” and follow on that same path in order to honor our ancestorsʻ legacy of enlightenment. It is with great humility that I am tasked with ensuring that these precious understandings, our language, our ancestral knowledge, and our Hawaiian worldview are passed on to the next generation.

ʻO wau ke keiki ʻelua a Laʻakea lāua ʻo Leimomi Suganuma. No Oʻahu o Kākuhihewa mai au. Noho au me kaʻu kāne ʻo Kekoa Lloyd Harman a me kā māua mau kamalei ʻo Kalāmanamana (Nāwahī, papa puka 2019), Kaumualiʻi (Nāwahī, papa puka 2023), Nāliʻipōʻaimoku (Nāwahī, papa puka 2024) a me Hiʻiakaikawenaʻulaokalani (6 mahina) ma ka ʻāina i kaulana i ka Ulumano a me ka Moanianilehua.  Ua puka au mai Ke Kula ʻo Kamehameha ma ka makahiki 1997.  Ua puka ma lalo o ka malu o Ka Haka ʻUla ʻo Keʻelikōlani ma ka pae muapuka a loaʻa maila ka BA Haʻawina Hawaiʻi, ka laikini aʻo Kahuawaiola, a me ka palapala mulipuka MA ma ka ʻōlelo a me ka moʻokalaleo Hawaiʻi.  Ua ʻuniki ma lalo o Kimo Alama Keaulana ma ka makahiki 2012 a hoʻokumu maila māua ʻo kaʻu kāne i ka Hālau I Ka Leo Ola O Nā Mamo ma hope maila.  Ma mua o ke aʻo ʻana ma Nāwahī, ua hana au ma ka ʻAha Pūnana Leo a me ka Hale Kuamoʻo. E ola mau ka ʻōlelo Hawaiʻi!