Ka Papahana ʻo ʻAlo Kēhau o ka ʻĀina Mauna
Makahiki Kula 2020-2021
19 Kekemapa 2020
ʻAuhea ʻoukou e ka ʻohana ʻAlo Kēhau o ka ʻĀina Mauna,
Aloha nui loa,
Ua hōʻea mai nei i ka pau ʻana o ka makahiki a ma ka ʻīpuka hoʻi o ka makahiki hou, a ʻo ia mau nō kākou i ke alo pali. Ke kū nei ma luna o ke aʻo a nā kūpuna, a ma ke ala nō o ka naʻauao i waele mua ʻia a e puka pono ai hoʻi nā haumāna o ka papahana. Pōmaikaʻi kākou i ke kūlia a me ke alu ʻana o nā limahana a me nā ʻohana ma ka wānana me ka hoʻomākaukau i nā mea koʻikoʻi e pono ai ka hoʻomau o ka papahana a me ke ō o ka palekana i kēia makahiki kula. I mea e mau ai ka holomua o nā haumāna, ua kālailai hou ʻia ka papahana o ka hapahā ʻelua a loaʻa nā loli no ka hapahā ʻekolu. Aia ma ka pōkāmana ka papa manawa kikoʻī.
We’ve arrived at year’s end, at the doorstep to a new year, and we continue as before in the face of difficulty. We follow the path set forth by our ancestors to assure educational success for our Māʻilikūkahi students. We are fortunate to have the shared motivation and cooperation among our school and home families enabling us to look ahead and ensure success and safety for everyone this school year. To assure continued student progress, we have reviewed and adjusted our second quarter program and made changes for the third quarter. The schedule for the quarter is in the attached powerpoint.
E hoʻomau ana nā pae papa a pau ma ke kālele keleaʻo. ʻO kekahi loli naʻe ke kono o nā kumu i nā haumāna nele i ka pūnaewele ʻole, nā haumāna kūlana kīnānā a me nā haumāna kūlanalana i ka puka ʻole e hōʻea kino mai i ke kahua kula. E kono pū ʻia paha kekahi mau haumāna e noho hou ma ke kula a hiki i ka hola 2:00 i loaʻa hou ka wā aʻo he alo a he alo. ʻO kekahi loli ke kuleana aʻo no ke kumu papa 7. Na nā kumu o Nāwahī Keaʻau e aʻo i nā haumāna o ka papa 7. ʻO Kūlia Young ke kumu ʻUo Mamo o ia papa 7, a nāna e hoʻokaʻaʻike hou me nā ʻohana o ia mau haumāna.
Distance learning will continue for students in all grades. One difference, however, is that teachers will invite students who do not have internet connection, who have special needs and those who are showing signs of failing to attend in-person learning at the school campus. Select students will also be invited to stay until 2:00 for extended in-person learning. There will be an adjustment in the teacher assignment for Grade 7. Those students will be taught by teachers on the Nāwahī Keaʻau campus. Kumu Kūlia Young is the ʻUo Mamo of the grade 7 class, and she will be contacting parents of those students.
ʻOiai nō he kuleana ko ka haumāna, he koʻikoʻi ke kilo a hōʻoia ʻana o ka ʻohana i ka ʻimi naʻauao. E hoʻokaʻaʻike koke me ke kumu i hiki ke kākoʻo a hoʻoponopono i nā ālaina e ʻike ʻia. Inā nō e kono ʻia kāu keiki no ke aʻo he alo a he alo a loaʻa ke kānalua i ka hoʻouna ʻana mai, e hoʻokaʻaʻike koke me ke kumu ʻUo Mamo. Kūpaʻa ke kula ma ka hana pū me ka ʻohana e puka lanakila ai kā ʻoukou mau keiki ma nā hapahā a pau o ka makahiki kula.
Although students have responsibility, it is important that the family is attentive to confirming their engagement in learning. Please communicate with teachers when there are problems or concerns, so the school can help support and problem solve. If your child is invited to in-person learning and you still have any concerns, please let your child’s ʻUo Mamo teacher know right away. We are committed to working with you to assure that your child succeeds during each quarter of the school year.
Me ke aloha a me ke kūpaʻa mau,
Na Kumu Kamanā