Aloha mai kākou e ka ʻohana Nāwahī,
Me ka haʻahaʻa a me ka leo hoʻomaikaʻi nui i nā haumāna papa 11, eia wau ke hoʻolaha aku nei i ka puka ʻana mai o ka hana keaka ʻo "The Conversion of Kaʻahumanu" ma lalo o ke kahuapaʻa a ka "UH Hilo Performing Arts Center." He moʻolelo hana keaka kēia na Victoria Nālani Kneubuhl mai kāna puke ʻo "Hawaii Nei: Island Plays." Ua ʻae ʻo Nālani i ko mākou hakuloli i kāna hana keaka ma ka pākuʻi i nā māhele hana keaka ao kūlohelohe a me nā mele uhau (slam poetry). Na nā haumāna papa 11 i haku i kēia mau mele uhau a me nā māhele ʻē aʻe a lākou i komo ai ma ka hana keaka. ʻO Justina Mattos ka luna kuhikuhi a na māua ʻo Kumu Kamalei i hoʻomaka i kēia huakaʻi hele i ka makahiki nei a na Kumu Kauʻi i kōkua iaʻu ma ka hoʻopaʻa i ka wikiō i kēia makahiki kula. Nui ka mahalo i ka hana pū o ia mau wāhine! Ua waiho ʻia hoʻi ka loulou (he manuahi nō) ma lalo nei a ua noa ia loulou no ka nānā i ka hana keaka piha mai ka lā 30 o Malaki - 1 o ʻApelila, 2021.
With a humble heart, I send this congratulatory message to the 11th grade families that our play "The Conversion of Kaʻahumanu" is finally available for viewing. After one year of the original premiere date, April 2020, through perseverance and dedication, the new recorded version is finally complete! This is a play that was written by Victoria Nālani Kneubuhl and printed in her book" "Hawaiʻi Nei: Island Plays." It was directed by Justina Mattos, the performing arts professor at UHH and originally coordinated by Kumu Kamalei and myself. This school year, Kumu Kauʻi also stepped in to assist me in the video production portion of this. So without the assistance of these amazing ladies, this could not be possible. The link is available, for free, for your viewing pleasure, from March 30 - April 20, 2021.
No laila eia hoʻi ka hua o kā lākou hana. He hoʻomaikaʻi nui kēia i nā haumāna papa 11 ʻoiai ʻAʻole i maʻalahi ka mālama i ka lawena hana keaka a me ka ʻuhane o nā māhele ma ke paʻi wikiō ʻana ma ka Zoom a ua pono e hakuloli i nā māhele he nui ma muli o ka hana ʻole ʻana ma ke kahua hana keaka. ʻAʻohe lole hana keaka, ʻaʻohe kukui hana keaka, ʻaʻohe lako hana keaka maʻamau. Akā naʻe e like me ko kākou ʻano maʻamau, he Nāwahī hoʻi, ua ʻaʻa mai nō nā haumāna i ia ʻano hana a ua kō ka hana me ka maʻemaʻe.
I commend the students of Papa 11 for putting their best efforts forward and making this come to life. It was not an easy task to complete with out a stage, lights, costumes, and just the fact that we had to do it on Zoom was a whole new ballgame for all of us! But as usual, our Nāwahī students prove to be resilient and able to adapt to various life challenges, and our final product is complete.
He kono hoʻi kēia iā kākou, e nā ʻohana, e kiʻi hoʻi i ke kūlina pohāpohā me ka meaʻai māmā a e nanea ma ke ʻano he ʻohana i ka hana a nā haumāna papa 11. Hiki nō ke kaʻanalike pū ʻia kēia loulou e like me ka makemake me ka ʻohana a me nā hoaaloha. He wā kūpono hoʻi kēia ʻoiai ʻo kēia ka mahina e hoʻohanohano ʻia ai nā wāhine ma ka mōʻaukala a ʻo ka 2020 ka piha 200 makahiki o ko nā mikionali hōʻea ʻana i Hawaiʻi nei. He hoʻomaikaʻi hou kēia i ka papa 11 i ka ʻaʻa mau a me ke komo piha ma ka hana ma nā ʻano like ʻole!
We extend this invitation to all of you to get your snacks and popcorn and enjoy their play as an ʻohana some time this month. This link may be shared with ʻohana and friends to enjoy as well. What an appropriate time as well, being this is Women's History Month and 2020 marked the 200 anniversary of the missionaries arrival to Hawaiʻi. Mahalo nui loa to this special group of students who came together to finish what we started over a year ago during a world wide pandemic - absolutely amazing! Mahalo and enjoy!!!
Eia hoʻi ka loulou:
na Kumu Haʻamauliola Aiona